ភ្នំពេញ៖ ចាប់ពីថ្ងៃទី០១ ខែកក្កដា ឆ្នាំ២០២៤ អគ្គនាយកដ្ឋានអត្តសញ្ញាណកម្ម នឹងកែសម្រួលថ្ងៃធ្វើការសម្រាប់ការចេញអត្តសញ្ញាណប័ណ្ណសញ្ជាតិខ្មែរ និងលិខិតឆ្លងដែនធម្មតា នៅផ្សារទំនើបអ៊ីអនម៉លសែនសុខ។ ឥឡូវនេះការិយាល័យនឹងដំណើរការពីថ្ងៃពុធដល់ថ្ងៃអាទិត្យ ហើយនឹងបិទនៅថ្ងៃច័ន្ទ និងថ្ងៃអង្គារ។

ទោះយ៉ាងណាក៏ដោយ នៅថ្ងៃច័ន្ទ និងថ្ងៃអង្គារ ក្រសួងនឹងដាក់មន្ត្រីប្រចាំការដើម្បីបើកអត្តសញ្ញាណប័ណ្ណ សញ្ជាតិខ្មែរ និងលិខិតឆ្លងដែនធម្មតា ជូនប្រជាពលរដ្ឋដែលដល់ថ្ងៃត្រូវមកទទួលយក។

ការផ្លាស់ប្តូរនេះត្រូវបានរៀបចំឡើងដើម្បីបម្រើសាធារណៈជនឱ្យកាន់តែប្រសើរឡើង និងបង្កើនប្រសិទ្ធភាពនៃការផ្តល់សេវាអត្តសញ្ញាណកម្មឱ្យកាន់តែល្អប្រសើរជូនប្រជាពលរដ្ឋ ជួយសម្រួលដល់បងប្អូនមន្ត្រីរាជការ បុគ្គលិក កម្មករ កម្មការិនី របស់ក្រុមហ៊ុន រោងចក្រ សហគ្រាស ឬគ្រឹះស្ថាននានា ដែលមានការមមាញឹកក្នុងម៉ោងការងាររដ្ឋបាល និងដើម្បីមានពេលវេលាសម្រាប់ថែទាំប្រព័ន្ធគ្រប់គ្រង៕